Коментар за тековните случувања

Портфолио менаџерите во Генерали Инвестментс составија резиме за тековните случувања кои влијаат врз пазарот на капитал и актуелни совети за инвеститорите.

Преглед на моменталните случувања:

Економската состојба по карантинот продолжува да се подобрува, но темпото на закрепнување е побавно од очекуваното, што донесе неизвесност на пазарите на капитал минатата недела. Политичката состојба и насилните протести во САД малку се смирија, но од друга страна гледаме дека политиката и централните банки подготвуваат нови мерки. Администрацијата на САД подготвува нов инфраструктурен фонд вреден 1 трилион евра со цел да започне процесот на обнова на старата американска инфраструктура, кој ќе има силен мултипликаторски ефект врз целата американска економија. FED ги засили набавките на високо-ризични корпоративни обврзници, а Јапонската централна банка ги засили стимулативните мерки и најави дека тие ќе траат подолго од очекувањата на пазарот. Во Европа, Шпанија во понеделникот претстави план за помош од 3,5 милијарди евра за автомобилската индустрија, додека Германија продолжува да ја зајакнува поддршката на „зелена политика и индустрија“. Најновите макроекономски податоци од Кина се подобри и покажуваат цврсти трендови на раст, но беа помалку и разочарувачки, бидејќи тие укажуваат повеќе на затегнато „U“од закрепнување во облик на „V“ форма. Во последниве денови, појавата на вирусот на пазарот во Пекинг ги зголеми стравувањата од втор бран, бидејќи трендовите на инфекции ширум светот се многу разновидни, а во целина можеме да кажеме дека трендовите на раст во Африка, Азија, Латинска Америка и делови од САД се загрижувачки. Европските земји и поразвиените земји во Азија, како Јапонија, Јужна Кореја и Тајван, продолжуваат да ги укинуваат последните рестриктивни мерки, границите се отвораат, па се очекува зголемување на пристигнувањето на германските туристи, особено во Централна и Југоисточна Европа. Но, Шпанија и Италија малку заостануваат тука, па затоа очекуваат  многу лоша туристичка сезона оваа година. Трговските тензии меѓу САД и Кина беа на пауза оваа недела, што придонесе за убав пораст на цените на кинеските акциите на неделна основа.

– Оптимизмот на пазарите на капитал од крајот на минатата недела повторно преовлада по акцијата на FED и Јапонската централна банка. Останува фактот дека новосоздадената ликвидност во огромна количина, повеќе од 18 трилиони свежо испечатени пари, претставува моќна сила на пазарот на капитал. Берзите со нивниот силен раст во последните 2 месеци се одраз на приносот на пазарите на обврзници и банките кои се претежно негативни, изнајмувањето на недвижнини веќе не е толку сигурен бизнис како што беше пред кризата, бидејќи се зголемува притисокот за работа од дома, онлајн трговијата и бизнисот како и туризмот и изнајмувањето преку онлајн платформи нема да бидат исти долго време како пред кризата. Затоа, парите се инвестираат во акции, кои и покрај нивниот ризик, во моментот даваат позитивен принос. Оптимизмот сега се префрли кон најпогодените индустрии, честопати според наше мислење неоправдано, но берзата стана слична на коцкање во одредени сегменти, бидејќи пораснаа дури и оние компании кои се наближија до фазата стечај па дури и банкрот. Ова укажува на претерана еуфорија во одреден сегмент на пазарите на капитал. Состојбата е многу слична на периодот на dotcom балонот од 1999-2000 или пред финансиската криза во 2007 година. Затоа, претпазливоста не е на одмет. Од друга страна, имаме индустрии кои можат да се дефинираат како победници во кризата и каде евалуациите сè уште се на атрактивно ниво. Тука спаѓаат главно здравството, прехранбената индустрија, дел од ИТ индустријата, комунални услуги (електрична енергија, вода и сл.), телекомуникациите и сл.

Совети за инвеститорите:

Се држиме до истото мислење кое го повторуваме веќе неколку недели. Акциите се прилично скапи, но со скапите обврзници и негативните банкарски приноси, нема вистинска алтернатива, така што не е време за екстреми. Не е паметно целото портфолио да биде инвестирано во акции, ниту пак во обврзници или депозити. Централните банки и државите продолжуваат да генерираат огромни количини свежи пари, а старата американска берзанска поговорка  вели дека нема смисла да се борите со централните банки затоа што тие имаат неограничена сума пари. Ликвидната поддршка го форсира растот на цените на обврзниците и акциите и овој тренд може да продолжи. Од друга страна, состојбата на светската економија е слаба, а иднината е многу нејасна. Дополнителна неизвесност на пазарите се создава со трговските тензии меѓу САД и Кина, насилните протести во САД, разговорите за Brexit во Европа и обновените тензии на Корејскиот Полуостров. Затоа најмногу се препорачува балансиран пристап кон инвестициите, со поголем удел на индустриите кои подобро ќе ја издржат оваа криза. Пазарите остануваат непредвидливи и многу волатилни. Диверзификацијата на портфолиото е чекор кон вистинската насока. Инвеститорите со долгорочни инвестициски цели треба да продолжат со месечни уплати, а оние што би вложиле поголема сума, треба да ја распоредат на подолг временски период. Пазарите може да продолжат да растат како резултат на сегашниот оптимизам и свежо печатените пари, но минатата недела видовме дека привремените корекции се многу брзи и длабоки. Ваквите промени може да се очекуваат и во иднина, така што во овој момент, кога сме блиску до нови рекорди, диверзификацијата е неопходен начин за заштита на портфолиото.